On-line Shopping

Tanghalang Pangmamimili – Provincial Contest 2017

Theme: Consumer Rights in the Digital Age

Name of School: Col. Lauro D. Dizon Memorial National High School

Address: Mavenida Ext., San Pablo City, Laguna

Tel No.: Tel No. 562-7378

Contact Person and No.: LORENZA B. UMALI, TLE Coordinator, 0995-7566-963

Name of Guild: TIKLAD (Talento sa Indayog ng Kabataang Lauro Dizon)

Title of Play: ONLINE SHOPPING

Total Number of Characters: 20 Characters

Estimated Time Frame Including Set-up of Props: 16 Minutes Play, 2 Minutes for Cheering and 2 Minutes for Props Setting

“Online Shopping”

Plot:

            “Ang wastong kabatiran ng bawat mamimili sa kanyang karapatan ang magpapalaya sa kanya upang hindi siya maloko, maisahan o madaya ng isang manggagantso na kalimitang nag-aalok ng pekeng produkto o palpak na serbisyo sa Internet.

            Ang istorya ng “Online Shopping” ay tatalakay sa matalinong pagbibigay ng impormasyon sa mga mamimili upang hindi sila maloko sa anumang kalakalan ng produkto at serbisyo sa cyberspace. 

Layunin ng dula na iparating sa madlang manonood sa pamamagitan ng isang SATIRIKONG PAGTATANGHAL (o yung katawa-tawang palabas na nagpapakita ng katungakan, kabalintunaan at eksaherasyon upang ipakita ang maling gawi at ugali ng karakter) na ang pagiging mapag-usisa, at mapagduda ang mga ugaling dapat taglayin ng isang netizen sa mga online business transactions.

 “Online Shopping”

Scene 1	Cheer (Original Music)
Lahat:	Dizon High, soaring high Buhay na buhay, walang kapantay Rap Narito na ang Laguna sa harap n’yo ngayo’y bibida At sa inyo'y magpapaalala ng impormasyong ‘di sinauna Tayo ay may pananagutan na makisangkot sa ating bayan Mamimili’y protektahan ang budget ay pangalagaan Sa panahon ng digital, hight tech na rin ang manloloko Kaya’t ika’y mag-matalino, ugaliing maging alisto Bantayan ang mga presyo at kalidad nitong produkto Upang mandaraya ay matuto, ‘wag na wag kang magpapatalo Dizon High, Soaring high Buhay na buhay, walang kapantay END OF SCENE 1
Scene 2	Intrams. Habang abala ang lahat ng mag-aaral dahil sa katatapos na Cheerdance Competition. Darating si Vilma na pusturang-pustura (Original Music)
Vilma:	Ang ganda ko, tingnan ninyo Suot ko’y imported mula paa hanggang ulo Sigurado, inggit kayo Wala kayong sinabi sa astig na porma ko. Nabili ko sa KALZADA Utang lang at murang mura Walang ng hassle, dineliver pa Kaya ngayon ang beauty ko ay feeling donya. Online shopping lagi ang peg ko Ayoko kasi ng masikip at magulo Digital buying lagi ang trip ko Ang cheap kasi “ng tawad doon at tawad dito” Ang ganda ko, tingnan ninyo Suot ko’y imported mula paa hanggang ulo Sigurado, inggit kayo Wala kayong sinabi sa astig na porma ko. O di ba! Bongga!
Lahat ng girls:	Bonggang bongga!
Vleine:	Ang ganda Mars! ‘Yung shoes mo, to die for!
Angel	At ‘yung top Beh, nakaka-slim.
Kelly:	Mukha pating ang ang yaman-yaman mo Mars!
Vilma	Mukha lang! The truth is nakuha ko lang ang mga ito sa murang-murang halaga. (Iisa-isahin ang presyo) Top, 200; bottom, 200; hikaw, 150; shoes, 400!
Jaycel	Talaga Mars? Ibig mong sabihin, wala pang ONE KIAO ang lahat ng ‘yan?  Ano ‘yan ukay?
Vilma	JUKAY? Oh my gahd! No.no.no! Not in my system! Kilala n’yo ako mga beh, social climber to the max! ‘Di ako para gumastos nang sobrang mahal for a single O-O-T-D!
Angel:	Sabagay, kilalang-kilala ka na nga namin. Poporma nang todo para lamang magpapansin kay Eric!
Vleine:	Naman! (Ingunguso) ‘Yun mare o. Kanina pang nakatingin sa’yo.
Vilma:	(Pabebe) Enebe! Tumigil nga kayo d’yan! Baka marinig noong tao, sabihin, ang landi-landi ko at patay na patay ako sa kanya!
Vleine:	Hindi ba? Tingnan mo’t ang sama ng tingin sa’yo kanina pa.
Vilma:	Wala akong paki! ‘Di ko type ang payatot na ‘yon! Hayaan ko siyang maglaway sa kagandahan ko!
Julianne:	D’yosa talaga ang dating. ‘Di matinag!
Kim:	Maiba tayo Mars. Saan mo nga ba naharbat ang mga ‘yan?
Vilma:	Sa KALZADA nga. Online Shopping! Nakita ko lang sa FB! Katulad ng mga ipinapatalastas sa TV! No need ang cash! Free pa ang delivery!
Vleine:	Talaga Mars? You mean CREDIT CARD lang ang ginamit mo sa lahat ng ‘yan?
Angel:	Alam mo minsan very tempting ang mga pakulo. Kaya lang meron kasi  akong mga hesitations kasi magbibigay ng mga impormasyon! Mahirap ng maloko, alam mo na.
Vilma:	Ano namang delikado roon? Digital age na mga Mars! Move on! Walang manloloko kung walang nagpapaloko. Itong utak kong ito! Kilala n’yo ako mga Mars, MAGANDA NA SIGURISTA PA!
Jaycel:	Talagang may MAGANDA pa? Kung sabagay, sa palengke pa nga mas maraming manloloko. Bukod sa tinderang mandaraya, may mandurukot at isnatser pang nag-aabang.
Lahat ng girls:	Ha.ha.ha.ha.ha.
Veinna:	Alam mo Mars, nadala kasi ako dyan eh. Minsan sumubok ako ng ganyan. Naengganyo kasi ako doon sa patalastas online na PUPUTI AKO IN ONE WEEK. Kaya naman buy ang lola mo ng produkto. Pero sad to say, ‘wa epek at parang Downy yata ang gamot, luz valdez pa ang perang pinag-ipunan ko.
Lahat ng girls:	Ha.ha.ha.ha.ha.
Revi:	Ikaw Veinna ha, di mo sinasabi na may balak ka pa lang magpaputi. No need Be! Tandaan mo, tayong mga black women are beautiful, inside and out!
Julliane:	Tama ka d’yan Mars! Kaya ako never akong magpapapaputi! Kasalanan sa Diyos na hindi mahalin ang sariling kulay.
Paula:	Ganoon, ganoon! Sanib pwersa ang mga negra! Ha.ha.ha Sabihin n’yo wala talaga kayong pera pambili ng Gluta! Ha.ha.ha
Lahat ng girls:	(Mag-aapir) Ha.ha.ha.ha
Angel:	Pero Mars, ano ba ng mga dapat gawin para hindi maloko sa Internet? Alam mo naman di ba, sobrang daming modus at scam ngayon. Umaabot na nga sa Senado eh. Nakakatakot! Ha.ha.ha
Lahat ng girls:	(Mag-aapir ulit) Ha.ha.ha.ha
Paula:	Mga Mars, ang mandaraya hindi ‘yan mawawala. Kung saan may progreso laging may manloloko. Tanggapin natin ang katotohanan na sadyang may mga taong ipinanganak yatang masama at ang intensyon ay ang manlamang ng kapwa. Kaya tayong mga mamili ang higit na dapat na mag-ingat!
Vilma:	Tumpak! Ganito ‘yan mga Mars! (Kakanta ulit pero nangangaral) Likas na sa iba ang mandorobo Lalo kapag tamad na magbanat ng buto Kaya’t ikaw ay wag na ‘wag magpapaloloko Maging maagap, listo at matalino. May manggagantsong linlangin ka Lalo kapag mukha kang tanga Bubutasin ang iyong bulsa Gagawing biktima ng pekeng paninda Kaya’t magsisiyat lagi muna ‘Pag may pagdududa, baka ikaw ay TAMA Magtatanong at mag-uusisa Nang di mapahamak at di madaya. Esep, esep, esep lang Sa pag-uurirat ‘wag magkukulang Pagkat takot ang nanlalamang Sa mamimiling maraming alam Esep, esep, esep lang Sa pag-uurirat ‘wag magkukulang Pagkat takot ang nanlalamang Sa mamimiling maraming alam
Revi:	Tama Mars! Ganyang ganyan ‘yung nagyari sa Mommy ng pinsan ko. Inalok siya ng gas range na kesyo mas mababa sa tunay na presyo. Sa money transferring establishment idinaan ang umano’y paunang bayad. Ang siste, una’t huling bayad na pala ang inilabas n’yang pera dahil matapos ang unang transaksiyon, hindi na muling nakipag-ugnayan ang suspek sa kanya. Fly away si money kaya si mister hanggang ngayon lagi pa ring angry.
Vleine:	Kawawa naman. Mas mabuti pa pala yung kaibigan ko na nauto lang ng isang FB friend nya na magtinda ng load na kikita dimumano na ng kinse mil sa isang linggo magpadala lamang puhunang limang libo. Palibhasa pogi sa profile pic ang nag-alok e kagat agad ang loka. Yun na-onse nang bonggang-bongga! Ang nakakatawa pa, nakita nya ang picture ng nanloko sa kanya sa isang Koreanovela. Ha.ha. Mantakin n’yo sa artista pa pala  ang ginamit na picture ng kawatan. Ha.ha.ha.
Lahat ng girls:	(Mag-aapir ulit) Ha.ha.ha.ha
Kim:	Mahilig sa pogi eh! Buti na lang MAGANDA AKO! MAGANDA AKO!
Lahat ng girls:	(Mag-aapir ulit) E di wow!
Kelly:	Shhhh. ‘Wag kayong maingay. Ang sama na ng tingin sa atin ni Erik. Akala siguro s’ya ang pinag-uusapan.
Vilma:	Wala akong paki sa payatot na ‘yan!
Scene 3	School Intrams pa rin. Matapos na marinig ni Eric at kanyang mga kaklase ang usapan ng mga babae.
Luc:	Pare parang kanina ka pang pinagtitripan ng mga girls ah. Panay ang banggit sa pangalan mo!
Lloyd:	Akala ko ba love ka niyang si Vilma? Bakit payatot ang tawag sa’yo?
Vincent:	‘Wag mong sabihing may LQ na agad kayo. Kilig ako boi! Ang lakas maka-Jadine. Parang On the Wings of Love ang drama n’yo.
John Riz:	Oo nga pare. ‘Di ba parang kailan lang eh ang sweet sweet n’yo! Ang ganda pa naman niya ngayon. Grabe boi! Sa KALZADA namimili. Sosyal.
Carl:	Aminin mo na boi, baka laos na ang pagiging chickboy mo! Isipin mo, ayaw ka ng isama sa pamimili. Kawawa naman! Maagaw ‘yun sa’yo, sige ka.
Lahat ng lalaki:	Ha.ha.ha
John Eric:	Hey, hey, hey! Never ko siyang niligawan no!
Christian:	Naman! Talaga lang ha! If I know, tuloy laway ka ngayon sa kagandahan n’ya.
Kim:	(Pinalalagong ang malaking boses para hindi mahalatang bakla) Baka naman may iba ka ng labs? Kaya naman deadma na sa’yo ang beauty ni Vilma ngayon! Galit ka lang kaya hindi mo napapansin ang magandang contour ng kanyang face dahil sa kanyang bagong make-up!
Cris:	(Pinalalagong ang malaking boses para hindi mahalatang bakla) Oo nga. Ang ganda pa naman n’ya ngayon! May kamukha nga siyang artista! Sa totoo lang gusto ko nga ‘yung shades ng eye shadow niya. Violet ba ‘yun?
Kim:	(Pinalalagong ang malaking boses para hindi mahalatang bakla) Ako din pare bet ko yung lipstick n’ya! Ang lakas maka-Kim Kardashian!
Cris:	(Pinalalagong ang malaking boses para hindi mahalatang bakla) Bet mo rin boi? Bagay na bagay pala sa morenang tulad niya ang nude color
Justin:	Mga bakla! Usapang ligawan ng mga lalaki ito. Dadalihan n’yo ng contour, lipstick at eyeshadow. Basagin ko kaya ang mukha n’yo para may instant make-up kayo! Bet mga bruha?
Lahat ng lalaki:	Ha.ha.ha.
Jonh Eric:	Akala mo kung sinong umasta Kundi naman poporma ay walang ganda. Ang galing-galing na mamintas at manghusga Bibig nama’y kasinlaki ng palanggana. Make-up dito, make-up doon Siko at tuhod ‘di naman sinasabon Ang pula-pula na ng pisngi sa kaba-blush on Mukha tuloy litson na bagong ahon sa pugon. Vilmang maganda, magtigil ka! Huwag mo akong idamay sa iyong pagpapakwela Kung wala kang magawa ay manahimik ka At di ang kapogian ko ang iyong sinisita. Make-up dito, make-up doon Siko at tuhod ‘di naman sinasabon Ang pula-pula na ng pisngi sa kaba-blush on Mukha tuloy litson na bagong ahon sa pugon.
Scene 4	Patutsadahan
Vilma:	May problema ba tayo Eric?
Jonh Eric:	Ewan ko sa’yo
Carl:	(Pabulong kunwari sa mga lalaki) LQ mga pare, baka magkasakitan, iwas tayo!
Cris:	Kilig much ang tropa natin boi!
Christian:	Hanep sa lovelife! Pamatay!
Vilma:	E ba’t kung anu-ano ang patutsada mo tungkol sa akin?
Jonh Eric:	Ako ba ang nagsimula?
Vilma:	Pinag-uusapan namin ay itong mga binili ko online. Naiinggit ka ba?
Jonh Eric:	Naman! E ba’t narinig kong sinabi mo na payatot ako? Anong konek? Ang ganda mo naman!
Vilma:	Talaga! Kaya nga na-inlab sa akin di ba?
Jonh Eric:	Weh! Di kaya. May taste ito neng!
Vilma:	Hmmmp! Ampuge mo naman!
Jonh Eric:	Buti alam mo!
Vilma:	Ang kapal ng face!
Paola:	Ano ba! Kung anu-anong masasakit na salita ang sinasabi n’yo sa isa’t isa e halata namang pumapag-ibig pa rin kayo.
Vilma:	Hindi kaya.
Paola:	Mamatay?
Vilma:	(Pahina na ang boses) Hindi kaya.
Paola:	Ikaw, Eric, be gentleman. Hindi ikaw ang bida sa usapan namin no! Kundi si Vilma at ang kanyang pagsa-shopping on-line.
Angel:	Feelingero kasi…
Eric:	Concern lang kasi ako sa kanya. Baka kasi matulad siya sa ilang kakilala ko na nabiktima ng kung anu-anong scam sa Internet. Nandito naman ako para samahan siyang mamili saan man niya gusto, talipapa, palengke o shopping mall man.
Vleine:	Ayun! E di lumabas rin ang totooo! Kulang lang pala sa pansin. (Patungkol kay Vilma) Grabe talaga ang kamandag mo ‘Neng!
Eric:	(Nakatungo) Sorry na! Please….
Vilma:	(Pabebe) Enebe. Selos ka kasi nang selos e… alam mo namang… (Kunwari nahihiya pero agad na kakabigin si Eric sa bewang.)  Wag ka ng magselos ha. Sensya ka nagsyota ka ng maganda eh! Wag kang mag-aalala wais itong bebe labs mo! Kung marami ang manloloko sa net, marami din ang mga nagbibigay ng impormasyon. Kaya bago mamili, magbasa, magtanong at mag-usisa muna. ESEP-ESEP LANG!
Scene 5	Song and Dance Number)
Lahat ng boys at girls:	Hindi nga? Likas na sa iba ang mandorobo Lalo kapag tamad na magbanat ng buto Kaya’t ikaw ay wag na ‘wag magpapaloloko Maging maagap, listo at matalino. May manggagantsong linlangin ka Lalo kapag mukha kang tanga Bubutasin ang iyong bulsa Gagawing biktima ng pekeng paninda Kaya’t magsisiyat lagi muna ‘Pag may pagdududa, baka ikaw ay TAMA Magtatanong at mag-uusisa Nang di mapahamak at di madaya. Esep, esep, esep lang Sa pag-uurirat ‘wag magkukulang Pagkat takot ang nanlalamang Sa mamimiling maraming alam Esep, esep, esep lang Sa pag-uurirat ‘wag magkukulang Pagkat takot ang nanlalamang Sa mamimiling maraming alam
	THE END

Name	Character/Designation
1.    Vilma L.Valencia	Lead Actress (as herself)
2.    Jonh Eric B. Alcantara	Lead Actor (as himself)
3.    Angel A. Magsambol	Lead Actress Friend (as herself)
4.    Christian M. Dangue	Lead Actor Friend (as himself)
5.    Cris Nathaniel T. Dulay	Lead Actor Friend (as himself)
6.    Jaycel C. Bautista	Lead Actress Friend (as herself)
7.    Jean Luc Izach S. Malijan	Lead Actor Friend (as himself)
8.    Jhon Carl B. Reyes	Lead Actor Friend (as himself)
9.    John Riz C. Sevilla	Lead Actor Friend (as himself)
10. Julianne N. Herrera	Lead Actress Friend (as herself)
11.  Jun Vincent I. Celerio	Lead Actor Friend (as himself)
12.  Justine Marc D. Ovilla	Lead Actor Friend (as himself)
13.  Kim Shane C. Herrera	Lead Actor Friend (as himself)
14. Kristine Kelly B. Felismino	Lead Actress Friend (as herself)
15.  Lloyd Benedik Q. Medina	Lead Actor Friend (as himself)
16. Paula Alano	Lead Actress Friend (as herself)
17. Revi Therese A. Sotalbo	Lead Actress Friend (as herself)
18. Kimberly Anne B. Simbahan	Lead Actress Friend (as herself)
19.  Veinna Denice A. Austria	Lead Actress Friend (as herself)
20. Vleine Kyla P.Taguic	Lead Actress Friend (as herself)
Dennis B. Lacsam	Adviser/Composer/Director Choreographer/Trainer
Lorenza B. Umali	TLE Coordinator